دیر لوئر: میدان بائی پاس پر 12 کروڑ روپے کی ڈکیتی، مزاحمت پر دو سگے بھائی جاں بحق

دیر لوئر: میدان بائی پاس پر 12 کروڑ روپے کی ڈکیتی، مزاحمت پر دو سگے بھائی جاں بحق
دیر لوئر – ضلع دیر لوئر کے علاقے حیاسیرئی بائی پاس (کمر کوٹکے کے قریب) رات گئے ڈکیتی کی ایک لرزہ خیز واردات میں نامعلوم مسلح افراد نے مبینہ طور پر 12 کروڑ روپے کی بھاری رقم چھیننے کے بعد فائرنگ کر کے دو بھائیوں کو شہید کر دیا۔
واقعے کی تفصیلات
کوٹکی ڈھیرئی میدان کے رہائشی دو سگے بھائی، سلیم خان اور ناصر خان، رات تقریباً ایک بجے تیمرگرہ سے اپنے گھر واپس آ رہے تھے کہ راستے میں نامعلوم ملزمان نے ان کی گاڑی کو روک لیا۔
ابتدائی اطلاعات کے مطابق ملزمان نے مبینہ طور پر ان سے 12 کروڑ روپے نقد لوٹے اور مزاحمت پر فائرنگ کے نتیجے میں دونوں بھائیوں کو موقع پر ہی جاں بحق کر دیا، جبکہ حملہ آور رقم سمیت فرار ہونے میں کامیاب ہو گئے۔
عوامی احتجاج
عوام نے شہداء کی لاشیں کمبڑ چوک میں رکھ کر احتجاج کیا ہے اور فوری طور پر قاتلوں کی گرفتاری کا مطالبہ کیا ہے۔
پولیس کارروائی
اطلاع ملتے ہی پولیس نے موقع پر پہنچ کر شواہد اکٹھے کر لیے ہیں اور ملزمان کی تلاش و گرفتاری کے ساتھ ساتھ اتنی بڑی رقم کے حوالے سے تمام پہلوؤں پر گہرائی سے تفتیش شروع کر دی ہے۔