پاکستان کے صوبہ خیبرپختونخوا کے ضلع دیر بالا پہنچنے والی بھارتی خاتون نے نصراللہ نامی نوجوان سے شادی کر لی ہے۔
انجو نامی خاتون چند روز قبل ایک ماہ کے وزٹ ویزے پر پاکستان پہنچی تھیں۔
انجو اور نصراللہ کی دوستی 2019 میں فیس بک کے ذریعے ہوئی تھی۔
وائس آف امریکہ کے نمائندے شمیم شاہد کے مطابق منگل کو دیر بالا ڈسٹرکٹ کورٹ میں دونوں نے شادی کر لی۔
یہ بھی بتایا جا رہا ہے کہ انجو نے اسلام قبول کر لیا ہے اور ان کا نام فاطمہ رکھا گیا ہے۔
