عید الاضحی کی آمد کے موقع پر جانوروں کی خرید و فروخت اور آمد ورفت کے دوران بیماریوں کے پھیلاو کنٹرول کے لیے اقدامات
لائیو سٹاک ڈیپارٹمنٹ اور ٹی ایم اے حویلیاں کی ٹیمز نے منگل اور بدھ کے دوران حویلیاں مویشی منڈیوں میں جانوروں کا اسپرے مکمل کیا۔
لمپی سکن اور کانگو وائرس (چیچڑ سے پھیلنے والی بیماری) سے بچاو کے لیے ضلعی انتظامیہ کی ہدایات پر محکمہ لائیو سٹاک ایبٹ آباد کی جانب سے اقدامات جاری ہیں۔ اسی سلسلے میں عیدالاضحی کی آمد کے پیش نظر لمپی سکن اور کانگو وائرس کی روک تھام کے حوالے اقدامات جاری ہیں۔ منگل کے روز سجیکوٹ حویلیاں اور بدھ کے روز ایوب پل حویلیاں میں منعقدہ مویشی منڈیوں میں جانوروں کی بیماریوں لمپی سکن، کانگو وائرس کی روک تھام کے لیے لائیو سٹاک اور ٹی ایم اے حویلیاں کی ٹیمز کی جانب سے باقاعدگی سے اسپرے کیا گیا۔
شہریوں سے گزارش ہے کہ اپنے جانوروں کی صحت کو برقرار رکھنے اور بیماریوں سے بچاو کے لیے جانوروں کا اسپرےو ادویات کا استعمال یقینی بنائیں تا کہ جانوروں کی جان کی حفاظت اور انسانوں میں بیماریوں کی منتقلی کو روکا جا سکے۔
